قریب الرحمن سعید : د افغانستان د سیاسې امور و شنونکې او لیکوال .
دقندهارعملیات : د ښاغلي حامد کرزي له پاره یو چلینج
دهلمند دنادعلی د ولسوالۍ د مارجې دسیمي
په څیر دا ځل د قندهار د نظامي عملیاتو له پاره امریکایي نظامي او تبلیغاتي شبکو ډیر ستر تبلیغات پیل کړی
او دا عملیات یا په اصطلاح د ازادۍ غوښتونکو
ځوواکونو څخه ( چې امریکایان یي په خپل هیواد کې ترورستان
بولې،) دقندهار پاکول دخپل فوځي شتون
یوه ډیره مهمه اجندا بولي
او د بري له پاره یی دادی لکه دتیرو عملیاتو په څیر په لسګونه
زره تر خولې په وسله سنبال مختلف الملیتي فوځونه را غونډوي .
دا په داسې حال کې چې
نژدې یوه میاشت مخته ولسمشر
کرزي هملته په قندهار کې دولسې خلکو یوې
غونډی ته هغه وخت چې په
افغانستان کې د امریکایي ځواکونو سر قومندان مک کرسټل یي
تر څنګ ناست و، د وینا کولو په وخت
کې وویل
چې هیچا ته به اجازه ور نکړې چې د
خلکو د خوښې پرته دلته نظامي
عملیات پیل کړی . ښاغلي کرزي دسیمي د سپین ږیرو اومشرانو د مخالفو آندونو د
اوریدو وروسته د امریکایي
ځواکونو د مشر جنرال مک کرستل
لورې ته په کتلو سره وویل
چې څوک شته
چې دا خبري درته و ژباړی ؟ په داسې حال کې چې نه
یواځې دهغه ژباړن ورته دا هر څه
نقطه په نقطه ژباړل او هغه یي پرې
خبراوه، بلکه د هغوې نظامي راپورچیانو یي
ویډیویي فلمونه هم جوړول .
ددې تر څنګ
هغه پلټنې او ریسرچ چې امریکایانو
په قندهار کې د جنګ د
مخه دنظامي عملیاتو دکیدو په خاطر د ډیرو سترو لګښتونو په واسطه تر سره کړې و
هم را ډاګیزه کوې چې په
دې پلټنو کې دپوښتنونکو په ځواب کې ۹۴ سلمه
خلکو رایه ورکړی
چې د نظامي ځواکونو دعملیاتو سخت
مخالف دي ، او تر څنګ یی ۷۵
سلمه رایه ورکړې
چې هغوې د بیروني
اشغال پر خلاف درا ولاړ شوی
غورزنګ کسان (طالبان ) خپل ورونه ګڼي ....
دهلمند دولایت دمارجې په ولسوالۍ باندي د مرګونی
تصفیوی نظامي عملیاتو تر نامه لاندي د هغه
سیمي نژدې یولک کسان
بې کوره کړل شول ، ترور شول ، د لوږې او تندی سره مخ
شول ، کوچنیان او ښځي یی دمختلفو
ناروغتیاو له کبله په بیدیا کې ، په لوڅو دښتو
کې پراته ددې فاني نړۍ څخه و کوچیدل او د ورکو( ګمنامه) شهیدانو په نوم په
لسګونو کسان ددې وحشت اوترور
د لښکرو په لاسو له منځه ولاړل ، هیچا یي هم پوښتنه و نه شوه کولې
یواځې دهیواد دمشرتابه د هیئت
مشر یوه کوچنۍ
نجلۍ چې د نهو شهیدانو وارثه
وه په غیږ کې و نیوله او دهغې د
ړندو او بې وزله اوښکو سره یي خپلې
اوښکې هم ورګډي کړې . او بیروني فوځونو ته یي ګواښ وکړ چې نور
په خپل سر دا ډول نظامي عملیات تر سره
نه کړی .
امریکایی زبرځواک اودهغوې د قوماندي لاندې د ایساف ځواکونو د مارجې د نظامي عملیاتو دپیلامې څخه نزدې
یوه میاشت مخته پراخه تبلیغات پیل کړی و
او ان د امریکایي ولسمشر
اوباما څخه یي د دې عملیاتو د بري
له پاره ( ۳۰۰۰۰ ) اضافي
عسکر راغوښتي و . امریکایی ولسمشر او فوځي جنرالانو یي دانظامي عملیات د امریکایي فوځونو له
پاره یو چلنج ګاڼه
او د امریکا ولس ته یی د ډاډ ورکولو په خاطر دا عملیات
ډیر مهم ارزول .
د ډیرو زیاتو تبلیغاتو او هلته په
مارجه کې د وحشت د لښکرکشۍ
وروسته معلومه شوه چې
هلته داسې کوم ځواک
نه و چې د امریکایانو ددې په وسله
سنبال عسکرو مقابله وکړي .
په حقیقت
کې په هیواد کې میشتو امریکایی جنرالانو، چې د امریکا د ولس دملاتړ
څخه لګیا دې بې برخي کیږي ، غوښتل دامریکا د ولس توجه د افغانستان خرابې
امنیتي وضعې ته را
وګرځوي اوتر څنګ یی یو
شمیر هغه اروپایي هیوادونه چې همدا
اوس د خپلو ولسونو سره
لاس وګریوان دی قانع کړی او د
افغانستان وضع ورته دومره کړکیچنه او
خرابه انځور کړي چې د خپلو
اړوندو حکومتونو څخه د افغانستان
څخه د فوځونو د بیرته را ویستلو د غوښتنې څخه لږ تر لږه اوس
لاس واخلي . اما دهیواد
اوسنۍ امنیتي وضعه، اوهره
ورځ دبې ګناه انسانانو وژل او تر څنګ
یی د بیرونې نیواکګرو ځواکونو
د له منځه وړلو لړۍ، چې
په دومره ځواکمنه توګه روانه
ده ، پخپله ډاګیزه کوې
چې دوې درواغ
واي او پخپله دهغوې خپرونې
په خپلو فوځي
جنرالانو باندی د درواغو
ویلو تور لګوي .
د قندهار دنظامي
عملیاتو پیلامه ، په هغه ولایت کې د نظامي مخالفو ځواکونو د له منځه وړلو له پاره نه بلکه د خپلو فوځو نو د مصروفیت له
پاره او هم دخپل ولس د قناعت
له پاره د یوې لارې د پیدا کیدو په
خاطر یو قدم دي .
ځکه همدا اوس دادې په
امریکا کې د امریکایي ولس
له اړخه د امریکا د نظامی ځواکونو
شتون ، او په دې اړوند د یوې څرګندې نظامي
سترا تیژۍ نشتوالې، یوځل بیا تر قوي پوښتنې لاندې
راوستې دې .
د امریکا
سترې ورځپاڼي او خپروندویه رسنۍ
اوس د امریکا د ولس دا خبره په
غبرګه نشروی او داوبا ما دحکومت څخه غواړی
چې د خپلو ځواکونو د را ویستلو له
پاره د ایکزټ سټراټیجي (The Way Out) را پیدا کړي . د نیوریاک ټایمز اخبار
همدا خبره څیړلې
او دمې په دریمه
یي لیکلي دي چې دامریکا ولسمشر
چې تیر کال د دسمبر په میاشت کې یي
داسې قانع کونکې
ستراتیژي جوړه کړه چې د هغې له
مخې یي
د ( ۸۵۰۰۰ ) شته امریکایي
عسکرو د ملاتړ له پاره
( ۳۰۰۰۰زره) نور په وسله سنبال تازه
عسکر ور واستول . ددې عسکرو د
ورلیږلو څخه یی موخې داوې چې
دوې به دازادۍ د جنګیالیو پر خلاف جنګیږي او ددوې
څخه به یوه کوچنۍ ډله
د افغانستان د ملي اردو په
روزنه کې برخه اخلي ترڅو دامریکایي او ناټو د ځواکونو د وتلو نه وروسته دخپل هیواد نه په
ښه توګه دفاع وکړاې شي .....اخبار مخته
کاږي چې ډاګیزه شوې چې د اوباما دا پالیسې
چې دهغه د ستراتیژۍ مهمه او
مرکزی برخه یې جوړوله
اوس له ناکامۍ سره مخ ده .
داسې بریښې
چې دامریکایي ولسمشر اوباما اودهغه د نظامي جنرالانو تر منځ باور
ورځ په ورځ
کمیږی ، ځکه دهغه څه له پاره چې
د پنتاګون مشرانو دغه اضافی عسکر را غوښتی وول هغوې
هم د خپلو اسلافو په څیر په دې و
نه توانیدل چې د ازادۍ دجنګیالیو روحیه
را کمزوري کړی او یا د
افغانستان د ازادی غوښتونکي ولس د ازادۍ
روحیه ورماته کړي .
تیر کال امریکا او هم دناټو غړو
هیوادونو دا هڅه او هاند کاوه
چې دخپلو ولسونو د قناعت تر څنګ
نور هغه هیوادونه چې غوښتل یي خپل
عسکری ځواکونه د افغانستان
څخه را وکاږي دنورو
لا زیاتو ځواکونو د استولو له پاره
را وګماري خو د افغانستان
اوسنۍ امنیتي وضعه
دا ډاګیزه کوي چې نه خو د
امریکایانو اضافي فوځ په دې وتوانید
چې د هیواد په اشغال کې خپلې منګولې نورې هم ورکلکې کړي او نه د نا ټو دغړو
هیوادونو عسکر په دې و توانیدل چې
دخپلو ملګرو دمرګ ژوبلې څخه
مخنیوی وکولاې شی . دادې
دهمدې نظامي خوزښتونو پایلې دي
چې د المان مهمو اخبارونو او
ګوندونو ددغه هیواد مشره ،
مرکل ،
په افغانستان کې د
الماني فوځونو په شتون اودخپلو فوځونو
دخوزښتونو په اړه په درواغو متهمه کړه .
د بلې خوا د امریکایي پټو ځواکونو
او هم د هغوې د لاس
پوڅو وسله والو کړیو له اړخه نه یواځې د قندهار بلکه په ټول هیواد کې زمونږ دقومي
مشرانو او غښتلو قوماندانانو ترورول
په ډیره وحشیانه توګه دوام لری .
په قندهار کې د شمیرو له مخې دا (
۴۰۰وم) قومي مشر دې چې د
امریکایانو د یرغل نه وروسته تر اوسه
پورې په یوه نوم اوبل نوم
ترور شوی دي . په
قندوز ، بغلان ، تخار ، مزار ،
بدخشان او ....کې تر اوسه پورې په لسګونو مجاهد
مشران له منځه
تللې او دا لړۍ
لا روانه ده . تر
څنګ یي
د امریکایي ځواکونو له اړخه د افغانستان د عام ولس پر خلاف
خو لا پریږده چې
دخپلو اړوند کسانو پر خلاف یي هم شپیني
پراخه عملیات پیل کړی چې
لړۍ یي د ولسي جرګې
غړو ته هم رسیدلې
ده .
د امریکایانو
دغه بې دریغه لاسوهنو، خپل سریو ، د
ازادو اسلامي هیوادونو اشغال
او استعمار او دهغوې استثماري پالیسیو د ازدې نړۍ
د ازادو وګړو
حوصلې را تنګې کړې او امریکایان ددې پر ځاې چې د خپل هیواد دامنیت دخوندي ساتلو
له پاره یي کوم قدم
پورته کړی وي دادې جنګ او بمباري یي
پخپله خپل ولس ته ډالۍ
کړه . د نیویارک دښار ټایمز سکویر کې د چاودیدونکو توکو څخه ډک
موټړ کشفیدل ددې ګواهي ورکوی چې دا جنګ
که امریکایان یي
ژر تر ژره مخنیوی
و نه کړي نو امریکا ته هم
ور رسیدلې دی .
امریکایانو
او ناټو هیوادونو ته په کار دي
چې پخوا له دې چې ددوې
خپل هیوادونه ددې (Ghost war) په
لمن کې را و نغاړي ، د جنګ د ډګر نه د
راوتلو په فکر کې شي . او دا کار هله شونې دې چې د افغانستان ازادي او استقلال له پاره
د مخالفینو سره یو ځاې یو
ځانګړې تګلاره جوړه کړی
او بې له ځنډه یی پلې کړی .
دا به دښاغلې
کرزې له پاره هم یو چلنج وی
چې په قندهار کې د
نظامي عملیاتو د پیلامې نه د
امریکایي ځواکونو مخه ونیسې ، دا
به هغه ته امریکا ته دسفر په وخت
کې ډاګیزه شي چې
ایا ددې توان به ولري او که نه ؟
که چیرې هغه و نه توانید چې
ددې سترې تباهۍ
څخه خپل ولس وژ غوري نو بیا
خو به یي دا اوسنې شعارونه هم هسې
او بې باوره و ګرځي . پاې