ارګمشر ته
ملا دې ماته شه چې ناست ېې په کرسۍ
بېګناه ټبر دې مري په بې وسۍ
لوی ټبر دې په بمونو تباه کېږي
ته دښمن سره پل اخلې د دوستۍ
پنامه د ولسمشر شوې ارګمشر
ټول ملت دې قربان کړی له مشرۍ
راټول کړي دې پر ځان لوی غداران دي
غله ، رهزن او قاتلان دي له پستۍ
د پښتون ملت قاتله خدای دې خوار کړه
ځواب نلرې له خپلې دؤوسۍ
شاه شجاع غوندې دې خرڅ په ټوني ، بوش کړه
غوړه ماله ته خوند اخله له هستۍ
ګوډ په ګوډ د پښتون وینه پر تا پور ده
د مرګونو سوداګره کړه مستۍ
ته قاتل د پښتنو د هېواد غل ېې
زمونږ حساب د حوصلې دی په درستۍ
سارا څنګه به زه هېر کړم دا دردونه؟؟
چې مو لاستی ورکاوه پرې کړه سرونه ؟؟؟